GIBALHOG sa detention cell sa Minglanilla Municipal Police Station ang polis human gireklamo nga nanglab-ni og cellular phone ug nagpasalba sa iyang service firearm niadtong ala 1:00 sa hapon, Miyerkules, Hul-yo 30, 2025.
Nahitabo ang insidente sa Purok Nangka, Barangay Li-nao-Lipata, Lungsod sa Ming-lanilla.
Ang nadakpan sa gihimong hot pursuit giila nga si Abraham Quijano, nagranggo og Police Staff Sergeant, 45, taga Barangay Tapul, Talisay City.
Lakip nga nadakpan ang iyang kauban nga sibilyan nga si Joel Butron Mandras, 41, taga Barangay Lower Lipata, Lungsod sa Minglanilla.
Si Quijano giingong sakop sa Regional Mobile Force Battalion 7 apan nadestino sa Police Regional Office 7 isip dri-ver sa usa sa mga opisina.
Matod ni Police Major Arie-za Otida ang hepe sa Minglanilla Police Station nga naka-dawat sila og tawag sa telepono nga nagpahibalo nga dunay armadong tawo nga nagpabuto sa maong lugar nga dali nila nga girespondehan.
Sa ilang pag-abot wala na ang duha ka mga suspek nga sakay og motorsiklo apan base sa pamahayag sa saksi nga nisulod ang duha sa usa ka furniture shop ug kalit lang nga gilabni ang cellphone sa usa ka biktima nga naglingkod lang sa kilid ug dayong sibat.
Pipila ka minutos ang nilabay, laing biktima nga nipahibalo sa mga polis sa maong lugar nga ang duha ka suspek nisulod na sab sa usa ka warehouse duol sa furniture shop ug usa kanila niwara-wara sa iyang armas ug nisinggit nga “Manyakis mi.”
Human sa gihimo sa mga suspek, nanglakaw ni ug nigintang og pila ka metros nagpabuto sa iyang dala nga armas sa makadaghang higayon.
Tungod kay magkanunayan nga mag-estambay, daghan ang nakaila sa maong polis nga maoy hinungdan nga dali ni nga nadakpan.
“We responded to the area and unfortunately wala ang armed person, So I instructed to conduct a hot pursuit operation to the incident and successfully nakuha nato kaning duha ka suspek and atong nahibaw-an nga usa ka tropa nato ug usa ka civilian,” matod ni Otida.
Si Police Colonel Christopher Bermudez ang hepe sa kapulisan sa Lalawigan sa Sugbo nibutyag nga dili nila duphan ang maong polis nga nakahimo’g krimen.
Dugang ni Bermudez nga nagpadayon ang Minglanilla Police Station sa ilang imbestigasyon kon hubog si Quijano atol sa paghimo niya sa krimen.
Gisaad sa hepe sa kapulisan sa Probinsiya sa Sugbo nga ilang hatagan og hustisya ang gibiktima sa polis.
Kon mamatud-an sa ilang imbestigasyon nga nagpabuto pa sa iyang armas si Quijano, mag-atubang siya og daghang mga kaso sama sa criminal ug administratiba. “Yun yung tinitingnan natin kung nagpaputok ba talaga siya, according doon sa complainant na nagpaputok daw. Pinapa-paraffin test pa natin kung talagang nagpaputok. Kung talagang nagpaputok, so we will file another illegal discharge of firearms against duon sa PNP,” sumala ni Bermudez.
Nasakmit sa Minglanilla Police Station ang armas nga gigamit sa suspek nga gituohang issued service firearms nga gitakdang ipaubos sa ballistic examination. /AYB