Polis ‘naunay’ sa armas, patay

Polis ‘naunay’ sa armas, patay
SunStar Local News GPX

Patay ang usa ka polis nga giingong naunay sa iyang kaugalingon nga pusil sulod sa pansayan sa balay sa Purok Kolo, Brgy. Jaclupan, siyudad sa Talisay, alas 2 sa kaadlawon sa Lunes, Marso 18, 2024.

Kini gitaho ngadto sa kapulisan sa Talisay alas 4:30 sa kaadlawon apan atol ning pagsuwat, ang kapulisan nagpadayon pa sa ilang imbestigasyon aron pagsuta sa hinungdan sa kamatayon sa polis, nagpusil ba sa kaugalingon o aksidente nga naunay.

Nadiskubrehan nga nagkadugo na mao si Police Staff Sgt. Reymund Pejante Baynos,33, minyo, sakop sa Provincial Drug Enforcement Group (PDEG) sa Police Regional Office (PRO 6), taga Purok Tugas, Camp 4, Barangay Manipis, dakbayan sa Talisay .

Sa pasiunang imbestigasyon sa kapulisan sa Talisay, si Baynos nagkadugo ug patay na nga naglingkod sa bowl sa pansayan.

Duna siyay samad pinusilan sa wa’ng bahin sa ulo ug ang Glock 9mm pistol naa sa iyang kilid. Dugang sa imbestigasyon, si Justine Baynos Elhig, 19, pag-umangkon sa polis, kini niasoy nga nag-inom sila sa maong dapit sa wa pa ang hitabo. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph