Polis naunay sa iyang pusil, patay

NAUNAY: Sa sinugdan, gituohan nga gipusil patay si Police Staff Sergeant John Kelly Catedral, apan nasuta nga naunay diay siya sa iyang armas. / LA LIBERTAD POLICE
NAUNAY: Sa sinugdan, gituohan nga gipusil patay si Police Staff Sergeant John Kelly Catedral, apan nasuta nga naunay diay siya sa iyang armas. / LA LIBERTAD POLICE

Wala diay gipusil ang polis sa Lungsod sa La Libertad, Negros Oriental nga padung na unta mo-duty alas 9:30 sa Sabado sa buntag, Disyembre 30, 2023, sa Sitio Looc, Brgy. Martilo base sa migawas nga imbestigasyon sa kapulisan.

Ang hitabo usa ka talagsaon, siya naigo sa iyang service firearm nga M16 Armalite rifle nga iyang dala samtang nagsakay sa iyang motorsiklo.

Ang biktima giila nga si Police Staff Sergeant John Kelly Catedral, taga Poblacion, Guihulngan City, Negros Oriental, kinsa naigo sa suwang ug nilapos ang bala sa iyang tampihak.

Unang migawas nga report nga samtang nagsakay ang biktima sa iyang motorsiklo paingon motrabaho, kalit lang siya gipusil.

Apan matod ni Police Staff Sergeant Gerome Gargoles sa La Libertad Police nga maoy nag-imbestigar sa maong kaso, nga nadisgrasya sa iyang armas ang biktima ug walay laing tawo nga nipusil kaniya.

Iyang gibutyag nga dunay basiyo sa bala sa M16 nga nagpasabot nga ang dala niya nga armas ang mibuto.

Giingong gitarong sa biktima ang dala niini nga armas apan kalit lang nibuto.

“Wala ni siya pusila. Sa ini­tial findings sa Soco personnel, accidental discharge sa iyang firearm. Gamotor ni siya nya iya ning gi fixed iyang armas kay padung na siya duty unya aksidente pagbuto,” matod ni Gargoles.

Si Police Lieutenant Stephen Polinar, information officer sa Negros Oriental Police Provincial Office, nagkanayon nga nagpaabot pa sila sa kompleto nga resulta sa imbestigasyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph