Human sa duha ka mga tuig, nakatilaw na pagbalik og kadaugan si kanhi ALA Boy Jess Rhey Waminal.
Nahitabo kini dihang nakarehistro si Waminal og split decision nga kadaugan batok ni fighting cop Jusue Bastillada sa main event sa Big Yellow Promotions boxing card “Bakbakan Tres” niadtong Miyerkules sa gabii, Hulyo 23, 2025, sa Barba Sports Complex sa Toledo City, Cebu.
Si Waminal nisaka sa 17-12-1, 9KOs nga rekord samtang si Bastillada, kinsa usa ka polis nga na-assign sa Toledo City, natagak sa 10-2, 6KOs nga rekord.
Sa co-main event, nireshitro og 1st round knockout nga kadaugan si Arlando Senoc Jr. batok ni Eugene Noynay sa inilugay sa Visproba flyweight belt.
Si Senoc Jr. nisaka sa 6-0 , 5KOs nga rekord samtang si Noynay nahagbong sa 6-2, 1KO nga baraha.
Sa undercard, ningdaog sila si Carlo Bacaro batok ni Wanxuan Lin (UD), Rhonvex Capuloy batok ni Michael Adolfo (TKO 4), Mark Anthony Sarino batok ni Enicito Jagopar (KO 3), Ulymark Moras batok ni Jahmark Gales (TKO 4), Jofel Barcoma batok Mark Asibal (TKO 4), Niño Jay Malbago batok Norman Rusiana (UD), ug John Dominic Ledres batok ni Nathaniel Doria (TKO 3). / EKA, ESL