Pahamtangan sa Commission on Elections (Comelec) 7 og mga silot administratiba ang mga politiko kansang mga campaign material nagpabilin nga ilegal nga gipapilit bisan pa sa naunang mga direktiba sa pagtangtang niini.
Si Comelec 7 Director Francisco Pobe, sa usa ka news forum niadtong Martes, Hunyo 10, 2025, nipasidaan nga ang mga election officer manduan sa pag-ila ug pagpahamtang og silot batok niadtong aduna pay ilang mga ngalan nga gipapilit sa daplin sa kalsada.
Namatikdan ni Pobe nga halos tanan sa mga kandidato sa Cebu nituman sa show-cause orders gawas sa "usa o duha lang," ug iyang gipasalamatan ang katawhan sa Central Visayas sa ilang paghipos sa basura sa eleksiyon.
Gipadayon sa Comelec 7 ang pagpangandam sa eleksyon sa Barangay ug Sangguniang Kabataan (SK) sa
Disyembre 1, 2025, bisan sa bag-ong kalambuan sa Kongreso bahin sa paglugway sa termino sa mga napili nga opisyal. / JPS