Tulo ang patay, apil ang usa ka poll watcher, samtang duha ang samaran sa gituohang misencounter sa Hadji Muhtamad, Basilan sa adlaw sa eleksyon, Lunes, Mayo 12, 2025.
Nahitabo ang insidente mga ala 1:45 sa kadlawon duol sa Sangbay Big, usa ka isla nga barangay sa Hadji Muhtamad.
Ang mga ningpanaw mao sila si Murasidul Kidong Abduarahman, usa ka poll watcher, Samier Allil Jamiri, ug Ben Bakil.
Samtang ang mga samaran mao sila si Haber Alih ug Zaldy Alih, nga gidala dayon sa hospital.
Matod ni Police Major Nursaibar Mahadi, hepe sa kapulisan sa Hadji Muhtamad, nga ang iyang personnel kauban sa Special Action Company nga mga pulis, nagpatrolya sa dagat sa maong dapit ug nakasugat og usa ka motorboat nga naay sakay nga walo ka armadong mga lalaki.
“When the team approached for verification, the individuals onboard the motorboat refused to stop and suddenly opened fire, which prompted the team to retaliate triggering a five-minute firefight,” batbat ni Mahadi sa iyang report.
Dugang pa niya, tulo sa mga armadong lalaki ang ninglukso sa dagat. Wala’y samaran sa tropa sa gobiyerno.
Sa laing bahin, si Hanah Mansul, asawa ni mayoralty aspirant Jamar, nipasabot nga ang mga biktima kay mga sumusunod ug supporters sa iyang bana.
Matod ni Mansul nga ang iyang bana nisakay og speedboat uban sa iyang supporters nga sakay sa duha ka motorboats padulong sa Sangbay Big gikan sa isla sa Dansalan dihang giataki sila og armadong grupo nga sakay usab sa laing motorboat.
Asoy ni Mansul nga wala masamdan ang iyang bana ug luwas nga nakaabot sa Sangbay Big.
Si Mansul wala na mosulti og dugang apan gitataw niya niya nga nailhan nila ang mga responsable sa pagpamusil.
Si Jamar usa sa tulo ka mayoralty aspirants sa Hadji uhtamad.
Matod ni Danny Sahi, igsuon sa asawa ni Jamar, nga si Jamar ug ang iyang grupo wala magdala og armas atol sa insidente.
“They are there to vote,” asoy ni Sahi.
Si Jamar nagsilbe nga mayor sa Hadji Muhtamad sukad niadtong 2013 hangtod 2019. / SunStar Zamboanga