ISTANBUL – Nanawagan si Pope Leo XIV niadtong Dominggo og kalinaw sa Tunga-tungang Sidlakan, human sa mga pag-atake sa US sa mga nuclear site sa Iran ug sa panimalos nga missile attacks sa Tehran sa mga siyudad sa Israel.
Nagsulti gikan sa bintana sa Apostolic Palace human sa pag-ampo sa Angelus, ang Papa niingon,“We must stop the tragedy of war before it becomes an irreparable abyss,” sumala sa usa ka pahayag sa Vatican.
Gihulagway niya ang sitwasyon nga “makapaalarma” ug “dramatic” nga nagpasidaan nga ang pag-antos sa mga sibilyan, ilabi na sa Gaza ug ubang mga dapit sa panagbangi, nameligro nga makalimtan.
“Today more than ever, humanity cries out and pleads for peace,” ingon niya.
Nipasidaan ang Santo Papa nga ang padayon nga kagubot mahimong mosangpot sa usa ka punto nga way pagbalik.
“There are no distant wars when human dignity is at stake,” matod niya.
“War does not solve problems; it amplifies them and inflicts deep wounds in the history of peoples – wounds that take generations to heal.”
Matod niya nga walay kadaugan sa militar nga makalabaw sa kasakit sa nagbangutan nga mga inahan, ang kahadlok sa mga bata, ug ang gikawat nga kaugmaon sa kabatan-onan.
“Let diplomacy silence the weapons,” panawagan sa Papa.
“Let nations chart their future through acts of peace, not violence and bloody conflict,” sigon niya.
Ang tensyon sa rehiyon misamot human gipahibalo ni US President Donald Trump niadtong Dominggo nga ang mga puwersa sa Amerika nihimo og malampuson nga airstrikes sa mga nuclear site sa Ford, Natanz, ug Esfahan taliwala sa nagkadako nga kahadlok sa mas lapad nga panagbangi.
Human sa mga welga sa US, nanawagan ang Iran sa UN Security Council nga magpatawag og emergency meeting aron kondenahon ang mga pag-atake ug patubagon kadtong molapas sa international law.
Ang panagbangi nagsugod niadtong Hunyo 13 dihang ang Israel nilusad og airstrikes sa daghang mga dapit sa Iran, lakip ang military ug nuclear facilities hinungdan sa pagpanimawos sa Tehran sa mga pag-atake.
Gibutyag sa mga awtoridad sa Israel nga labing minos 25 ka tawo ang namatay ug gatusan ang naangol sa mga missile attack sa Iran sukad niadto.
Samtang sa Iran, 430 ka tawo ang namatay ug kapin sa 3,500 ang naangol sa pag-atake sa Israel, sumala sa Iranian Health Ministry. /PNA