Port expansion project sa CPA gisusi ni Garcia

AMPER CAMPAÑA
DI BA MAKABALDA?: Gisigu­ro sa kagamhanan sa dakbayan sa Sugbo nga dili makababag ang gihimong expansion project sa Cebu Port Authority sa heri­tage structures sa Aduana area. / AMPER CAMPAÑA

Gisusi ni Cebu City Acting Mayor Raymond Alvin Garcia kon ang Cebu Port Authority (CPA) port expansion project makababag ba sa heritage structures sa Aduana area.

Sa interbyu niadtong Sabado, Mayo 25, 2024, si Garcia nii­ngon nga gusto niyang likayan ang kahimtang nga susama sa Cebu Bus Rapid Transit (CBRT) project, diin supak ang pagtukod og bus station duol sa Kapitolyo tungod sa makabalda nga disenyo niini.

Ang nag-unang gikabalak-an ni Garcia mao nga ang pagpalapad sa pantalan makababag sa panglantaw sa mahinungdanong kasaysayan sa Malacañang sa Sugbo (karon National Museum of Cebu) ug sa Compaña Maritima.

Si Garcia nakigtagbo sa CPA niadtong Biyernes, Mayo 24, 2024 aron hisgotan ang kahimtang sa proyekto ug posib­leng mga epekto.

Si Garcia niingon nga si CPA general manager Francisco Comendador III nipasalig nga way vertical constructions nga makababag sa view sa Natio­nal Museum.

Makigtambayayong sab si Garcia sa CPA sa pagdumala sa Compaña Maritima ug uban pang mga istruktura nga kabilin sa Aduana area.

Mahitungod sa kalamboan sa mga lugar, si Garcia nii­ngon nga wala pa’y sinulat nga kasabotan o timeframe, apan ang duha ka partido nagkauyon nga ablihan pagbalik ang Puso Village, Mechanical Parking, ug uban pa.

Dugang pa sa acting ma­yor nga magkinahanglan pa kini og panahon tungod kay adunay nag-ung-ong nga kaso sa Court of Appeals kabahin sa pagpanag-iya sa maong lugar. / AML

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph