Gihatag sa Boston Celtics ang ilang pambatong big man nga si Kristaps Porzingis ug ilang second-round pick sa Atlanta Hawks isip tipik sa three-team trade sa National Basketball Association (NBA) nga naglambigit sab sa Brooklyn Nets.
Isip baylo, nadawat sa Celtics mao sila si Georges Niang ug second-round pick gikan sa Hawks.
Ang Nets, nga maoy ningtabang aduna mahan-ay kining kasabutan, nakadawat ni Terance Mann ug No. 22 pick gikan sab sa Hawks.
Si Porzingis maoy ikaduhang dekalidad nga magduduwa nga gi-trade sa Celtics sunod ni Jrue Holiday. / Gikan sa wires