Power supplier sa Malapascua buot putlon

Gisugyot sa stakeholders sa isla sa Malapascua nga putlon na ang power service engagement sa PowerSource Philippines Inc. (PSPI) sa lungsod sa Daanbantayan.

Kini tungod sa giingong dili maayong serbisyo niini sa isla gumikan sa kadaghang mga hitabo sa power outage.

Atol sa tigom sa Kapitolyo kauban si Cebu Governor Gwendolyn Garcia ug miyembro sa Malapascua Business Association (MBA), gituki niini ang hinanali nga aksyon sa Kapitolyo bahin sa pag terminate sa serbisyo sa PSPI.

Si Anna Reed, pangulo sa MBA, nitug-an sa gobernador sa mga kapakyasan sa paghatud og serbisyo sa PSPI sukad pa sa 2019 nga nakahatag og dakong epekto sa pagkinabuhi ug panginabuhi sa mga residente sa isla tungod sa mga power outage ug voltage fluctuations.

Lakip sa ningtambong sa tigom mao sila si Department of Energy Visayas Field Office Inspector, lawyer Barrytone Busi; National Electrification Administration Engineering Department Director Federico Villar; Daanbantayan Municipal Administrator Mamerto Rodrigo; ug PSPI executive Carlos Cervantes.

Ang general manager sa Cebeco II Lowell Belcina ug National Power Corp. nga girepresentar ni Visayas head Timoteo Diacor, nipadayag usab sa ilang pagkadismaya sa serbisyo sa PSPI.

Siya nidugang nga gipadangat na usab niini ang ilang mga concern ug naghuwat sa uwahi’ng desisyon sa management. Ang PSPI naghatag og supply sa kuryente sa Malapascua isip qualified third party sukad sa 2009.

Ang Cebeco II maoy exclusive franchise holder sa isla, lakip sa uban pang lungsod sama sa fourth ug fifth districts sa Sugbo. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph