Nagkanayon si Los Angeles Lakers superstar LeBron James nga sa kasamtangan, prayoridad niya nga hingpit nga mahimsog ang iyang wala nga tuhod aron maandam siya sa pagsugod sa ilang training camp alang sa sunod season sa National Basketball Association (NBA).
Gipasabot ni James, 40, nga arang-arang na ang iyang pamati kabahin sa angol sa iyang wala nga tuhod nga iyang nasinati niadtong Abril atol sa ilang kapakyasan batok sa Minnesota Timberwolves sa 1st round sa playoffs.
Gitataw sa four-time MVP nga nag-amping siya og maayo sa iyang lawas. / Gikan sa wires