Mas dako ang nadawat nga claim gikan sa Philippine Health Insurance Corporation (PhilHealth) ang mga pribadong ospital kumpara sa mga publikong ospital.
Sa datos nga gipagawas sa PhilHealth, gipakita nga sukad niadtong Mayo 31, 2025, nikabat na sa P118.87 bilyon ang ilang nabayran sa tibuok nasod.
Sa maong kantidad, P69.60 bilyunes ang naadto sa pribadong mga ospital, samtang P49.27 bilyunes ang nadawat sa mga publikong ospital.
Kahinumdoman nga kaniadto, ang Private Hospitals Association of the Philippines, Inc. (PHAPi) nipaabot sa ilang kabalaka kabahin sa nalangay nga pagbayad sa PhilHealth sa mga benepisyo nga claim.
Adunay higayon nga gihunahuna sa pipila ka pribadong ospital nga dili na lang bag-uhon ang ilang akreditasyon sa PhilHealth. / Anton Banal / SunStar Philippines