Gitambungan sa dul-an 500 ka mga indibidwal gikan sa lainlaing mga barangay ang Pride March nga gipahigayon sa Kagamhanan sa Dakbayan sa Lapu-Lapu sa Sabado, Hunyo 21, 2025, isip usa sa mga highlight sa Pride Month nga selebrasyon.
Ang maong kalihokan kabahin sa mga paningkamot sa siyudad sa pagpasiugda sa pagkaparehas ug pagka-inclusivity sa LGBT community.
Ang mga opisyal sa siyudad, lakip si Mayor-elect Ma. Cynthia “Cindy” King Chan ug Congressman-elect Junard “Ahong” Chan nagpakita sa ilang suporta sa LGBT community pinaagi sa pag-apil sa parada. / Yvon Maratas, Trixcy Shien Cobarde, Benedicto College Interns