PRO 7 miluwat og pasidaan sa publiko

CEBU. The Police Regional Office-Central Visayas (PRO 7) in Cebu City.
CEBU. The Police Regional Office-Central Visayas (PRO 7) in Cebu City.File photo

Ning panahon sa Pasko, mo­saka ang mga krimen sama sa kawat, pagpanglab­ni ug ubang mga kriminalidad sa palibot tungod sa pagdagsa sa mga tawo sa dagko’ng mga tindahan ug mga simbahan.

Tungod niini, ang Police Regional Office (PRO 7) nipagawas karon og pahimangno sa publiko nga likayan nga mahimong target sa mga kriminal sama sa pagbantay sa mga lugar nga daghan ang mga tawo nga magtapok.

Giawhag ang katawhan nga kon mogawas sa ilang panima­lay kinahanglang naka-lock kini, dili magsul-ob og mahalo nga alahas sa paglakaw ug dili magdala’g daghang kwarta.

Magbantay sa mga mangunguot, salisi gang, laglag barya gang ug uban pa nga posibling naa ra sa palibot ug kon dunay mamatikdan labing maayo nga mangita og polis nga nadestino sa maong lugar aron ma­dakpan ang mga suspek.

Si Police Lieutenant Col. Gerard Ace Pelare, tigpamaba ni Police Brigadier General Anthony Aberin, hepe sa PRO 7, nagkanayon nga kinahanglan nga magmabinantayon ang publiko sa ilang mga lakaw aron dili sila maoy mabiktima niining mga kriminal.

Gipasalig ni Pelare nga ning semanaha sa dili pa magsugod ang Misa de Gallo sa Disyembre 16, pabahaan sa PRO 7 og mga police personnel ang kadalanan lakip na ang mga simbahan nga dunay relihiyusong kalihukan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph