Naghandom unta ang promoter ni Gennady Golovkin nga si Tom Loeffler nga mopahigayon og farewell fight alang sa Kazakh boxing superstar apan kuli na kining mahitabo.
Giangkon ni Toeffler nga nawad-an na siya og paglaum nga matuman ang iyang tinguha human gianunsyo sa Kazakh National Olympic Committee niadtong Pebrero, 2024 nga si Golovkin mao na ang bag-ong presidente sa KNOC.
Gipasabot ni Toeffler nga mao kini ang hinungdan nga niundang na siya sa paghaylo kang Golovkin nga mosagubang og away sa katapusang higayon.
“That’s a very high position in Kazakhstan – he’s not only the head of Olympic boxing in the country, he’s the head of every sport of the national Olympic team in Kazakhstan. So, that’s a full-time job for him,” pasabot ni Toeffler.
Si Golovkin, 42, kinsa adunay 42-2-1, 37KOs nga rekord, katapusang niaway niadtong Septiyembre 19, 2022 diin napilde siya pinaagi sa unanimous decision batok kang Mexican superstar Canelo Alvarez sa ilang inilugay undisputed super middlewight title. / ESL