Duha ka mga proyekto nga imprastraktura sa Barangay Canduman ug Tawason sa dakbayan sa Mandaue ang nakompleto na aron pagpakgang sa problema sa baha.
Ang maong proyekto nga nagkantidad og P10 million gigahin alang sa dalan ug sa drainage nga proyekto sa naasoy nga dapit.
Niadtong Agusto 21 ang opisyal nga turnover sa maong mga proyekto.
Nasayran nga anaa sa 156-metros sa dalan ug 207-metros nga proyekto sa drainage system ang gigahin alang sa Canduman.
Samtang anaa sa 123.5-metros nga dalan ug draignage system usab alang sa Barangay Tawason. Nagkantidad ang duha og tag-P5 million.
Nasayran nga si Congresswoman Emmarie “Lolypop” Ouano Dizon mao ang nangulo sa maong proyekto. / CAV