Ang unemployment rate sa nasod nius-os og gamay ngadto sa 4.2 porsiyento niadtong Oktubre 2023 gikan sa 4.5 porsiyento niadtong Septiyembre ning tuiga, sumala sa Philippine Statistics Authority (PSA) sa Huwebes, Disyembre 7, 2023.
Sa Oktubre 2023, ang PSA niingon nga adunay kinatibuk-ang 2.09 milyon ka mga Pilipino nga nag-edad og 15 pataas, gikan sa 49.89 milyon ka mga trabahante, ang walay trabaho, mas ubos kon itandi sa 2.26 ka milyon nga way trabaho nga mga indibidwal kaniadtong Septiyembre.
Matod pa nga ang gidaghanon sa nagtrabaho nga mga Filipino nga nag-edad og 15 anyos pataas naa sa 47.80 milyunes, mas taas sa 47.67 milyunes niadtong Septiyembre ug labaw pa sa 47.06 milyunes ka tawo nga nagtrabaho sa samang panahon sa 2022.
Ang PSA nagkanayon nga ang Oktubre 2023 nga employment rate nga 95.8 porsyento mao ang pinakataas nga employment rate sukad niadtong Abril 2005.
Kini niingon nga ang labor force participation rate (LFPR), o ang bana-bana sa aktibo nga trabahante sa ekonomiya sa Oktubre 2023 narehistro sa 63.9 porsyento, mas ubos kaysa sa miaging bulan nga 64.1 porsyento.
Ang ihap sa mga underemployed nga indibidwal o kadtong nagtrabaho apan gusto og dugang oras sa trabaho sa ilang pagtrabaho karon o adunay dugang nga trabaho o adunay bag-ong trabaho nga mas taas og oras niabot og 5.60 milyunes gikan sa 47.80 milyunes nga mga Pilipino nga nagtrabaho niadtong Oktubre 2023 nga gihubad ngadto sa usa ka underemployment rate nga 11.7 porsyento. (TPM / SunStar Philippines)