Duha ka psychiatric organizations ang nanawagan sa Department of Education (DepEd) nga dili ipadayon ang gikatakdang nationwide live-shooter active attack drill.
Kini tungod sa ilang pasidaan nga ang hyper-realistic simulations mahimong makamugna og psychological harm sa mga estudyante.
Sa hiniusang position statement nga gipagawas niadtong Sabado, Agusto 22, 2026, ang Philippine Psychiatric Association (PPA) ug Philippine Society for Child and Adolescent Psychiatry (PSCAP) nanawagan sa gobiyerno nga ipahunong ang simulation portion sa Nationwide Simultaneous School Safety Drill for Active Attack Incidents.
Ang maong drill gimando sa DepEd pinaagi sa memorandum nga gipagawas sa Office of the Secretary niadtong Agusto 12.
Samtang mga medical group niingon nga ang simulated active-attack exercises nagtudlo sa mga estudyante sa mga senaryo sa kabangis nga walay napamatud-ang safety benefits.
“Current evidence does not show that these simulations reduce casualties or prevent incidents, while multiple studies demonstrate that they can cause lasting psychological harm across age groups,” matod sa pahayag.
Gikutlo sa mga organisasyon ang international research aron suportahan ang ilang posisyon, lakip ang findings niadtong 2025 sa National Academies of Sciences, Engineering, and Medicine batok sa high-intensity o deceptive drills.
Gikutlo sab nila ang usa ka pagtuon nga nagpakita og 42 porsiyentong pagtaas sa stress ug anxiety language ug 39 porsiyentong pagtaas sa depression language taliwala sa mga school community human sa maong mga exercises.
Imbes nga full-scale live simulations, girekomendar sa mga grupo ang pagpalig-on sa physical security—sama sa mga kandado, perimeter security, ug controlled entry points—uban sa discussion-based nga “tabletop exercises” alang sa staff, mga ginikanan, ug mga magtutudlo.
Gihangyo sab nila ang pagtukod og joint Mental Health Task Group nga gilangkuban sa DepEd, Department of Health (DOH), ug specialty medical societies aron mangolekta og lokal nga datos sa dili pa magmando og umaabot nga nationwide drills. / CDF