Bantayan map.
Bantayan map.Google map

Public hearing ipahigayon bahin sa pletihan sa isla sa Bantayan

Gikatakda ang pagpahigayon og public hearing alang sa marine transportation stakeholders, lokal nga mga opisyal sa kagamhanan ug uban pang shipping operators alang sa reklamo kabahin sa mahal nga plitehan sa barko sa isla sa Bantayan.

Si Cebu Governor Gwendolyn Garcia pasiunang nakigtagbo sa Maritime Industry Authority (Marina) kauban ang mga mayor sa isla ug uban pang transportation stakeholders aron ipadangat ang nadawat niining concern kabahin sa pagpataas sa plitehan sa mga pasahero paingon sa isla gikan sa Hagnaya Port sa lungsod sa San Remigio ug lungsod sa Santa Fe port.

Sa maong tigom, gitinguha ang pag-regulate sa third-class passenger rates alang sa mga mobiyahe sa Hagnaya paingon sa Santa Fe.

Subay sa uwahing fare rate sa mga barko nga may rota sa Hagnaya-Santa Fe, mokantidad og P300 ngadto na sa P359 alang sa one-way ticket.

Samtang, ang magdepende usab kini sa matang sa sakyanan sama sa regular nga biyahe sa mga roro boat ug fastcraft.

Gusto ni Garcia nga mahusay ug mahimong ma­ka­tarunganon ang presyo sa plitehan sa barko ilabi na nga daghang bisita ug turista ang gustong mosuroy sa mga white sand beaches sa naasoy nga isla.

Ang Bantayan naa ma­himutang sa habagatan-amihanan sa Sugbo nga na­gmalambuon karon, dili lang sa turismo, lakip na sa industriya sa pangisda ug ubang matang sa panginabuhi sa dagat ug giila nga ‘egg basket’ sa Sugbo tungod sa kadaghan sa poulty farms sa isla. / ANV

SunStar Publishing Inc.
www.sunstar.com.ph