Gipasidan-an sa Department of the Interior and Local Government (DILG) ang publiko batok sa nag-viral nga post bahin sa giingong pagpanghatag og financial assistance kon ayuda alang niadtong mo-fill up og form sa barangay ug mokontak sa dili beripikadong mga mobile number.
Sa usa ka pamahayag, matod sa DILG nga walay kamatuoran ang maong post nga moabot sa P5,000 hangtod P8,000 ang madawat sa mga residente basta mosumite lang sa giingong mga rekisitos.
“This information is false and misleading. No such directive has been issued by the DILG. The mobile numbers listed in the post are not official and are not connected to any legitimate government program,” matod sa ahensiya.
“The Social Amelioration Program (SAP) is implemented solely by the DSWD through official, validated channels, with the DILG only assisting in local monitoring and no such program is currently active,” dugang niini.
Giawhag sa DILG ang publiko nga magbinantayon ug dili mohatag og personal nga impormasyon o mopirma og mga dokumento base sa mga dili kumpirmadong social media posts. / TPM / SunStar Philippines