Usa ka pumpboat sa lungsod sa Moalboal ang naunlod diin dunay sakay nga mga turista tungod sa kakusog sa balod sa Nobiyembre 16, 2023.
Kini gikompirmar ni Wilson Ramos, interim officer sa Provincial Disaster Risk Reduction Office (PDRRMO).
Si Coast Guard Seaman Second Lester Baingan sa Moalbal, niingon nga ang bangka nasudlan og tubig,alas 12 sa udto.
Ang motorbanca dunay sakay nga duha ka mga turista nga gikan nag-diving ug tulo ang kaubang diving assistants.
Dihang paingon na mobalik sa baybayon ang bangka, giingong dunay nakaigo sa port side niini hinungdan sa pagkabuslot, nisulod ang tubig nga niresulta sa pagkaunlod. Hinuon, naluwas sila sa mga sakop sa Philippine Coast Guard (PCG), ala 1 sa hapon.