IBALHIN sa kapitolyo ang gahin nga pundo alang sa Pasigarbo ug Suroy Suroy Sugbo aron mahatagan og prayoridad ang healthcare programs.
Nagkanayon si Cebu Governor Pamela Baricuatro atol sa pakighinabi sa mga tigbalita nga kini nga lakang nagpakita kon unsa ang prayoridad sa lalawigan kaysa gastuhon kini alang sa festivities ug tourism promotions.
“We will cut the cost for the Pasigarbo and Suroy-Suroy and we will redesign it, reprogram is, sorry not redesign, we reprogram it to our healthcare program,” matod ni Baricuatro sa Hulyo 3, 2025.
Iyang giklaro nga magpadayon gihapon ang duha ka programa karong tuiga sanglit nagahinan na kini og pundo nga gipaluyohan sa usa ka ordinansa.
“I will take it a part of my legislative agenda to redesign of Pasigarbo and the Suroy Suroy Sugbo and realign to the healthcare,” dugang ni Baricuatro.
Nanghinaot si Baricuatro nga suportahan sa Sangguniang Panlalawigan ang iyang proposal nga amendahan ang ordinansa alang sa sunod tuig aron mahatagan og prayoridad ang programa ug serbisyo alang sa mga Sugboanon. / ANV