PUV gama sa Pilipinas giduso nga paliton

MPUJ
MPUJ(Photo by Yans Baroy)

Usa ka grupo sa mga mamumuo nga nakabase sa Sugbo mipalanog sa panawagan alang sa transparency sa importasyon sa modernized jeepneys ug panginahanglan alang sa lokal nga produksyon, taliwala sa mga hagit nga giatubang sa tradisyonal nga jeepney drivers ug operators tungod sa expiration deadline sa franchise consolidation niadtong Disyembre 31, 2023.

Ang tigpamaba sa Partido Manggagawa (PM) Cebu nga si Dennis Derige niingon nga ang labor group nanawagan sa na­sudnong kagamhanan nga una­hon ang locally made modern jeep­neys kay makapamenos sa gasto sa produksiyon ug maka­mug­na og trabaho, kon itandi sa mahal nga imported nga mi­nibus.

“Kailangan pa bang i-memorize yan, dun tayo sa mura at gawang Pinoy,” matod ni De­rige sa usa ka pamahayag sa Enero 4, 2023.

Ang usa ka unit sa imported nga modernized Public Utility Vehicle (PUV) gikatahong gipresyuhan og P2 milyones ngadto sa P3 milyunes o labaw pa, depende sa modelo, gidak-on, ug brand.

Apan, usa ka lokal nga pabrika nga nagtanyag og electric jeepneys nga ubos og P1 milyon matag unit, nga nikatap sa internet, diin ang presyo minos og tulo ka pilo itandi sa presyo gikan sa mga internasyonal nga electric vehicle makers.

Sa Facebook post, si Elmer Francisco, tag-iya sa Francisco Motors nagtanyag sa ilang e-jeepney nga nagpakita sa tradisyonal nga hitsura sa jeepney nga adunay presyo sa pagbaligya nga P985,000 alang sa una niini nga 1,000 ka units.

Magtugot kini sa mga operator ug jeepney drivers ug koopera­tiba nga maka-afford sa unit nga may flexibility sa pagbayad aron mahimo’ng kabahin sa modernization program sa gobyerno.

Makapasakay kini og total nga 30 ka mga pasahero para sa maglingkod ug magbarog, samtang ang sakyanan adunay air-conditioned unit, closed-circuit television camera, ug person with disability (PWD) ramp.

NAGDALI

Gipasiugda usab sa labor group nga dili lang ang tradisyunal nga jeepney drivers ug operators ang maapektuhan apan ang riding public mawad-an usab sa ilang barato nga paagi sa transportasyon isip sangputanan sa gitawag nga dinaliang pagpatuman sa jeepney consolidation.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph