Puya gisud sa knapsack

BASURAHAN: Kini ang pula nga knapsack nga gisudlan sa puya nga gibutang sa basurahan sa Northdrive, Ouano Ave. Brgy. Subangdaku, Dakbayan sa Mandaue alas 6 sa buntag sa Miyerkules, Mayo 22, 2024. / Gikan sa Mandaue City Police Office
BASURAHAN: Kini ang pula nga knapsack nga gisudlan sa puya nga gibutang sa basurahan sa Northdrive, Ouano Ave. Brgy. Subangdaku, Dakbayan sa Mandaue alas 6 sa buntag sa Miyerkules, Mayo 22, 2024. / Gikan sa Mandaue City Police Office

Usa ka puya nga patay na nakaplagan nga gisu’d og knapsack nga gibutang sa basurahan sa Northdrive, Ouano Ave. Brgy. Subangdaku, Dakbayan sa Mandaue alas 6 sa buntag sa Miyerkules, Mayo 22, 2024.

Usa ka Ryan Doble, 29, lumad nga taga Dakbayan sa Malaybalay, lalawigan sa Bukidnon apan nanimuyo sa Mandaue City, maoy nitaho sa Mandaue Police Station 1 bahin sa iyang nadiskubrihan.

Matod ni Doble nga naagi siya sa maong dapit ug nakakita siya sa knapsack nga kolor puwa nga gibilin.

Iyang giablihan ug gitan-aw ang gamay nga box nga kolor itom nga sudlanan og sapatos sulod sa knapsack.

Siya nakurat sa pagtan-aw sa sulod niini nga usa ka puya nga lalaki nga bag-ong natawo apan patay na.

Ang kapulisan ug mga sakop sa Emergency Rescue Team sa Subangdaku daling ningresponde ug ang lawas sa puya ilang gi-turnover ngadto sa City Social Welfare and Services (CSWS) office alang sa tukma nga papahiluna.

Si P/Lt. Col. Mercy Villaro, public information officer sa Mandaue City Police Office (MCPO), nagkanayon nga nagpadayon ang imbestigasyon sa Mandaue Police Station 1 sa Subangdaku aron mailhan ang nilabay sa puya sa ingon manubag kon mapalgan nga sad-an.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph