Naigo na sab sa grass fire ang Lungsod sa Argao, Sugbo niadtong Biyernes sa hapon, Mayo 3, 2024 sa dihang misilaob ang kasagbutan nga naabot sa kawayanan.
Usa sa mga residente sa maong lugar nga si Kye Dela Peña mihulagway sa nahitaboan nga awaaw ug ang grass fire nakadaut sab sa linya sa tubig sa Talaga-Bogo Rural Waterworks Association (Taborwasa) ilabi na nga ginama sa PVC ang tubo sa patubig.
Way mga balay nga nalakip sa kadaut tungod sa ka layo na niini sa kabalayan ug dali sab nga napawong sa kabumberohan ang nagdilaab nga kasagbutan. / DVG