PWD gibaha og hinabang sa netizens

PWD gibaha og hinabang sa netizens
SunStar Local News GPX

Nagtinabangay ang netizens aron makahatag og tabang sa person with disability (PWD) nga nabanggaan sa depasaheroang multicab nga gabiyahe sa Buhangin, Davao City niadtong Mayo 10, 2024.

Pinaagi sa usa ka indibidwal nga si Ry Llanes, nakatigum og salapi ug mga tabang alang sa biktima nga si Tatay Jun.

Kahinumdoman nga samtang sakay si Tatay Jun sa iyang wheelchair ug gitulod sa usa ka kauban, kalit silang nadumbolan sa dyip nga gimaneho ni Christian Louie Villocorta Saguid, 31, taga Prk. 1 Omila, CMPD, Tagum City.

Subay sa Facebook post ni Llanes, nidumili sa pagpatsek-ap sa ospital si Tatay Jun sa kabalaka nga i-admit siya ug wala nay makapanginabuhi kanila.

Ang hitabo niresulta sa pagkasamad sa iyang ulo ug pangos sa ubang bahin sa iyang lawas.

Di na sab magamit ang wheelchair sa biktima human naguba atol sa hitabo.

Mga netizen nga natandog sa kahimtang ni Tatay Jun, nihatag og pinansiyal nga tabang ngadto kaniya nga giagi kang Llanes.

Si Tatay Jun midawat og crutches, grocery, wheelchair ug uban pang ayuda sa panaghiusa sa mga netizen.

Sa pikas bahin, nakakuha og atensyon ang kaso ni Tatay Jun sa usa ka abogado, nga nagpakisayod kon unsa ang legal nga aspeto’ng mahimo nga matabang ngadto kaniya. / Superbalita Davao

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph