Giangkon ni Gilas Pilipinas head coach Tim Cone nga haom si Quentin Millora-Brown sa Gilas Pilipinas, kini human gikumpirmar sa Samahang Basketbol ng Pilipinas (SBP) nga gideterminar sa FIBA nga local ang 6-foot-10 player.
Si Cone niadtong Sabado niingon nga si Millora-Brown usa ka maayong dugang sa Philippine team ug nalipay siya sa posibilidad nga makauban niini ang batan-ong big men nga sila Kai Sotto ug AJ Edu.
Ang mentor sa Nationals nidugang nga si QMB adunay potensyal nga mahimong game-changer para sa programa, susama sa kontribusyon nga gihimo ni Kevin Quiambao atol sa ilang kampanya sa FIBA Asia Cup 2025 sa Jeddah, Saudi Arabia. / RSC