Nagtambayayong ang Noy Pacing Flores (NPF) Boxing Academy ug VSG Promotions sa pagpahigayon og inter-island amateur boxing show karong Sabado, Septiyembre 21, 2024 sa LAS Boxing Fitness Gym sa Bgy. Gun.ob, Lapu-Lapu City.
Sa promosyon, nga giulohan og “Quest For Champions 10”, magbinukbokay ang amateur prospects gikan sa Cebu City, Lapu-Lapu-City, Bohol, Palawan, Camiguin ug Ormoc City.
Sa main event, magsangka sila si Palarong Pambansa bronze medalist Jerson Iñon sa NPF Boxing Academy ug Excel Salait sa Camiguin sa 54-KG match.
Mohatag og dugang lamas sa promosyon mao ang 60-KG exhibition bout tali nila ni Justan Germano sa new York City ug Ian Fernandez sa ALT Fitness Gym.
Aduna pa’y laing 14 ka mga parisan ang magsumbagay sa promosyon. / EKA