Mohimo og dakong lakang si Filipino basketball star Kevin Quiambao kabahin sa iyang pangandoy nga mahimong labing unang lumad nga Pinoy nga makaduwa sa National Basketball Association (NBA).
Nagkanayon ang produkto sa De La Salle University (DLSU) Green Archers nga molarga siya paingon sa United States sa sunod semana alang sa usa ka personal training camp.
“I’m flying out next week to the US, training muna,” matod ni Quiambao nga napatik sa www.abs-cbnnews.com.
“Ako lang mag-isa pupunta doon, so hopefully, good things will happen.”
Hinuon, wala nibutyag si Quiambao nga maong personal training camp nagsilbeng iyang preparasyon alang sa posibleng pagduwa sa NBA Summer League.
“No one knows. Di ko alam pa kung anong future naka-handa sa akin. Basta ako, right now, I’m working as hard as I can,” matod ni Quiambao, kinsa bag-uhay lang nipirma og tulo ka mga tuig nga contract extension sa iyang team sa Korean Basketball League (KBL) nga mao ang Goyang Sono Skygunners.
“Super positive ako. All for gain naman eh, nothing to lose ako. If ever walang makuhang opportunity, balik ako sa Korea,” dugang ni Quiambao. / ESL