Diriyot naagak ni Kevin Quiambao ang Gilas Pilipinas sa come-from-behind nga kadaugan batok sa Chinese Taipei niadtong Miyerkules sa kadlawon, Agusto 6, 2025, sa Fiba Asia Cup sa Jeddah, Saudi Arabia.
Niini, nakadawat siya og pagdayeg ni Gilas coach Tim Cone.
Ning maong duwa, diin napilde ang Gilas, 87-95, si Quiambao nakarehistro og 17 puntos sulod lang sa 16 ka mga minutos nga pagduwa, tanan sa 2nd half.
Si Quiambao, kinsa wala nakaduwa sa 1st half, maoy nimugna sa nag-unang lima ka mga puntos sa Gilas sa 4th quarter ug sa iyang pagpangulo, napahak ang dakong labaw sa Taiwanese, 80-74.
Apan nausik ang paningkamot ni Quiambao kay nakamaneho ang Taiwanese pagsutoy dala ang walo ka mga puntos nga kadaugan.
“He came out and played with a lot of energy, hit some big shots for us. But we still came up short,” matod ni Cone kabahin ni Quiambao, kinsa nag-average og 8.3 puntos ug 4.0 rebounds atol sa qualifiers. / ESL