Rain or Shine mipabugnaw sa Magnolia

NANGUSOG: Milusot si Keith Datu (wala) sa Rain or Shine Elasto Painters batok sa depensa sa Magnolia sa PBA Commissioner’s Cup.
NANGUSOG: Milusot si Keith Datu (wala) sa Rain or Shine Elasto Painters batok sa depensa sa Magnolia sa PBA Commissioner’s Cup. Hulagway sa PBA Images

Gituldokan sa Rain or Shine Elasto Painters ang mainiton nga pito ka sunodsunod nga daog sa Magnolia Chicken Timplados, 113-110, sa Philippine Basketball Association (PBA) Commissio­ner’s Cup Sabado sa gabii, Disyembre 16, sa Aquilino Pimentel International Convention Center, Cagayan de Oro.

Gimansahan sa Rain or Shine og pintal ang perpekto unta nga rekord sa Magnolia sa pagpangulo ni substitute import Tree Treadwell nga hapit maka triple-double sa stats nga 30 puntos, 16 rebounds ug 9 assists.

Si Andrei Caracut mitampo og 15 puntos ug unom ka assists samtang si Keith Datu miamot og 14 puntos ug midugang si Santi Santillan og 11 puntos alang sa Rain or Shine.

Nabutangan og kolor ang kampanya sa Rain or Shine sa ilang pagtali sa ikatulo nga sunodsunod nga daog human nila sugdi ang season sa makaluya nga lima ka sunodsunod nga pilde.

Ang Magnolia sa laing bahin nahagsa sa 7-1 (win-loss) rekord apan nagpabilin kining leader sa team standings.

Nakaluwas ang Elasto Painters sa mainiton nga scoring gikan kang Tyler Bey nga adunay 30 puntos, Paul Lee nga miiskor og 20 puntos, Mark Barroca nga mihimo og 20 puntos ug Jio Jalalon nga mitali og 13 puntos.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph