Human sa kapin sa usa ka buwan nga bakasyon sa Australia, nahibalik na sa Sugbo si Cebu City Mayor Michael Rama niadtong Sabado sa kaadlawon, Di- syembre 16, 2023.
Sumala sa Cebu City News and Information, direkta gikan sa Mactan-Cebu International Airport, si Rama uban sa iyang anak ug asawa nga si Malou nilahos sa pagtambong sa Misa de Gallo sa Carbon Market.
Kini ang unang public appearance sa mayor gikan sa taas nga bakasyon human siya nibiya paingon sa Australia niadtong Oktubre 31, 2023 alang sa iyang giingong “long-overdue vacation.”
“I will already have my long respite. And that brings me to be out, maybe a month. It depends, basin malingaw ta sa bakasyon or what not. Para makapangayo ta og extension,” matod ni Rama sa Facebook post sa Cebu City News and Information.
Sa ulahing bahin sa Nobiyembre, ang media nitaho nga si Rama molugway sa iyang bakasyon hangtod sa Disyembre 20, 2023, nga nagkanayon nga ang iyang anak nga lalaki ug babaye makauban niya sa Australia.
Miingon siya nga gusto niya nga ang iyang pamilya naa sa usa ka litrato panahon sa Pasko.
Samtang nagbakasyon, nagpabiling ‘engaged’ si Rama pinaagi sa paghimo og online nga pagtambong sa mga tigom sa City Hall.