Nakasinati og angol sa iyang tuo nga abaga si New York Knicks star Julius Randle atol sa ilang kadaugan batok sa Miami Heat, 125-109, ning Dominggo, Enero 28, 2024 (PH time) sa National Basketball Association (NBA).
Ni-drive si Randle sa nahabiling 4:27 minutos dihang nibabag si Heat rookie Jaime Jaquez Jr. sa iyang atubangan sa tinguhang makakuha og charging foul.
Dili maayo ang pagkatugpa ni Randle ug sa iyang pagbangon, naggunit kini sa iyang abaga ug nipangon sa locker room.
Matod ni coach Tom Thibodeau, wala pa siya’y ideya kon unsa ka grabe ang angol ni Randle.