Gisang-at na ngadto sa Supreme Court (SC) ang petition ni Manlalaban Jordan Pizarras nga kandidato pagka kongresista sa unang distrito sa Lalawigan sa Bohol ubos sa Partido Aksyon Demokratiko aron ipatuman ang Election Officer Reassignment Rules.
Si Pizarras nipahibawo sa iyang panagawan subay sa electoral impartiality pinaagi sa pagduso og petition for mandamus ngadto sa Supreme Court.
Sa maong petition, iyang giawhag ang labing taas nga hukmanan nga ipatuman sa Commission on Elections (Comelec) ang kasamtangan nga balaod nga nagmando sa matag reassignment sa usa ka local election officer.
Kining maong legal nga lakang nga unang giduso nga hangyo ni Pizarras ngadto sa Comelec pag-reassign ni Bohol Provincial Election Supervisor Atty. Eliseo Labaria nga naghupot sa maong posisyon sukad pa niadtong 2010.
Si Pizarras nibarog nga ang pag-extend sa paghupot sa katungdanan ni Labaria, mahimong makakumpromiso sa neutrality nga maoy labing mahinungdanon alang sa katuohan nga piniliay.
Iyang sugyot ngadto sa Comelec nga ikonsiderar ang pagbalhin kang Labaria ngadto sa laing dapit aron magpabilin ang integridad sa election process.
Sa iyang petition sa Supreme Court niadtong Abril 10, 2025, iyang gipasabot nga nagmando ang balaod sa Comelec alang sa gawasnon, hapsay, matinud-anon, malinawon ug credible nga election.
Gikutlo ni Pizarras ang Section 44 of Republic Act No. 8189, nga naglatid nga walay election officer nga moserbisyo sa usa ka siyudad o lungsod nga nisubra sa upat ka tuig.
Dugang sa manlalaban nga ang Section 56 sa Omnibus Election Code nagtugot sa Comelec nga dunay gahum sa pag-usab sa assignment sa usa sa ilang field offices.
Si Pizarras hugot nga nibarog nga ang pagpatuman sa maong provisions usa ka crucial alang sa pagpabilin sa impartiality sa usa ka election officer ug ang kridibilidad sa electoral process.
Iyang gipadayag nga ang pagpanginlabot sa Supreme Court, magsiguro nga ang Comelec motuman sa ilang constitutional duties. / AYB