‘Rebelde’ gibadlong na diay sa amahan

■ NAKIGHINABI SA MEDIA: Abli nga nakighinabi sa mga sakop sa media sa Sugbo ug nipadayag sa iyang kasubo si Eutropio Cesista, amahan sa 2022 Bar passer nga si Hannah Jay Cesista, kinsa usa sa mga namatay sa ‘engkwentro’ sa lungsod sa Bilar, Bohol niadtong Biyernes, Pebrero 23, 2024, diin gi-cremate sa Cosmopolitan Funeral Homes, dan Junquera, dakbayan sa Sugbo, Miyerkules sa buntag, Pebrero 28, 2024. Estorya sa pahina 2 / Arnold Y. Bustamante
■ NAKIGHINABI SA MEDIA: Abli nga nakighinabi sa mga sakop sa media sa Sugbo ug nipadayag sa iyang kasubo si Eutropio Cesista, amahan sa 2022 Bar passer nga si Hannah Jay Cesista, kinsa usa sa mga namatay sa ‘engkwentro’ sa lungsod sa Bilar, Bohol niadtong Biyernes, Pebrero 23, 2024, diin gi-cremate sa Cosmopolitan Funeral Homes, dan Junquera, dakbayan sa Sugbo, Miyerkules sa buntag, Pebrero 28, 2024. Estorya sa pahina 2 / Arnold Y. Bustamante

Gi-cremate na ang 2022 Bar passer nga si Hannah Jay Cesista sa Cosmopolitan Funeral Homes sa dalan Junquera, dakbayan sa Sugbo sa Miyerkules sa buntag, Pebrero 28, 2024.

Kagabii, ang mga abo sa lawas ni Cesista gisakay sa usa ka barko padulong sa ilang dapit sa Northern Samar.

Kahinumdoman, si Cesista usa sa lima nga nangamatay atol sa giingong engkwentro tali sa kapulisan, sundalo ug mga rebeldeng New People’s Army (NPA) sa Purok Matin-ao 2, Brgy. Campagao, lungsod sa Bilar, Bohol sa Biyernes, Pebrero 23, 2024.

AMAHAN NASUBO

Si Eutropio Cesista, nakig-atubang sa media sa Sugbo sa unang higayon, nagkana­yon nga ang National Union of Peoples Lawyers (NUPL) maoy nipahibawo kaniya sa nahitabo sa iyang anak.

Matod sa amahan, nasaki­tan siya ug walay kabutangan sa iyang kaguol.

“Sana hindi mangyari sa inyo. Napakasakit, walang kasing sakit, kasi, hindi na­min ini-expect na ganun ang magiging end sa anak ko, sa pinaka mamahal kong anak,” matod sa amahan.

Sa pangutana kon duna ba siyay kasuko sa gobiyerno sa kamatayon sa iyang anak, ang direktang tubag nga wala.

Apan siya nasagmuyo sa grupo nga gisalmutan ni Hannah nga una niyang gipug­ngan nga dili moabin sa maong organisasyon, sama sa NUPL.

Iyang giangkon nga nisugot na lang siya nga moapil sa maong hugpong ang iyang anak human siya pasabta nga mao kini ang organisasyon sa mga abogado ug unsa usab ang ilang trabaho.

Iya, matod pa, kini nga gipasidan-an nga mag-amping.

Nanghinaot siya nga ang iyang anak na ang katapusang mabiktima tungod kay walay kabutangan ang bation nga kasakit sa usa ka ginikanan nga mawagtangan og pinangga nga anak.

AUTOPSY

Niuyon na unta siya nga ipa­ubos sa autopsy ang lawas ni Hannah, apan sa dihang duna nay lainlaing grupo nga nisakay sa isyo nga wala lang niya hinganli, wala na siya mopadayon niini.

Alang niya, dili siya gusto nga dunay mga grupo nga mosakay sa nahitabo sa iyang anak ug sakto na ang nahitabo.

“Ayokong may makikisaw-saw,” pasabot ni Eutropio.

Si Eutropio nagtrabaho sa Department of Information and Communication Techno­logy (DICT) sa Northern Samar, samtang ang asawa niini usa ka public school teacher nga nagtudlo sa usa ka elementary school sa ilang lalawigan.

Ang usa niini ka anak babaye giingong naa sa kaulohan nga nag online business apan wala na siya mohatag pa og dugang mga detalye.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph