WALA pa nahuman ang kombati apan naseguro na sa Central Visayas ang titulo sa senior division samtang ang Bicol Region maoy nipatigbabaw sa junior division sa National Private Schools Athletic Association (PRISAA) Games 2024 sa Legazpi City.
Sa presstime, ang Central Visayas nakatigom na og 33 ka gold, 33 ka silver ug 34 ka bronze medals sa senior division.
Nagsunod sa Central Visayas mao ang Cordillera Administrative Region nga adunay 33-23-31 medal tally samtang ikatulo ang Western Visayas nga adunay 24-23-19 medal tally.
Ang ubang rehiyon nga nakarehistro og dobleng numero nga gold medals mao ang Region 12 ug Calabarzon, nga adunay 23 matag usa, Ilocos Region (14), Region 9 ug Negros Island Region nga adunay 11 matag usa.
Sa junior division, ang Bicol Region nakahakot na og 52 ka gold, 39 ka silver ug 38 ka bronze medals.
Ikaduha ang Western Visayas (38-42-30) ug ikatulo ang Calabarzon (33-21-20). /Radyo Pilipinas