Mga duwa karon
5:00 P.M Blackwater Bossing batok
Terrafirma Dyip
7:30 P.M Ginebra Gin Kings batok TNT Tropang 5G
Magsangka ang higanteng teams Barangay Ginebra Gin Kings ug TNT Tropang Giga 5G sa importante nga duwa 0sa Philippine Basketball Association (PBA) Philippine Cup karong Domingo, Hunyo 8, 2025, sa Ninoy Aquino Stadium.
Ang duha ka teams puros naghupot og 6-3 (win-loss) record, ug kon kinsa ang modaog niining duwa motaas ang tsansa para sa Top 4 slot nga makahatag og twice-to-beat advantage sa quarterfinals.
Ang TNT nagtuyo nga makabuhat og talagsaon nga GrandSlam, apan kinahanglan pa nila moagi og malisod nga pagsuway karon sa Philippine Cup.
Gipilde sa TNT ang Ginebra sa PBA Commissioner’s Cup Finals niadtong Marso.
"We talked about how winning (their last game) will give us a chance. All we're asking for is a chance," ingon ni TNT head coach Chot Reyes. "Now we have a chance but we all know how difficult that road is going to be. We'll see what happens."
Sa laing habig, si coach Tim Cone sa Ginebra, nipadayag sa ilang kaandaman para sa importante nga duwa.
"We were playing for our playoff lives in that game. We put up a couple of losses together. It would've been tough to get back into the hunt for the Top Four," sulti ni Cone. "But this keeps us firmly in the hunt, still allows us to control our destiny."
Hugot ang kompetisyon karon para sa Top Four race, ang NLEX (8-2), San Miguel Beer (6-2), Magnolia (7-3), TNT (6-3), Ginebra (6-3), ug Rain or Shine (6-3) maoy nag-ilog sa maong pwesto. / RSC