Napili si Mike Reyes isip bag-ong program director for basketball sa Far Eastern University (FEU).
Base sa taho sa Spin.ph, opisyal nga gianunsyo sa FEU sa Martes, Hunyo 17, 2025, nga si Reyes maoy ilang gipuli ni Denok Miranda.
Si Reyes kinsa igsuon ni TNT Tropang 5G coach Chot Reyes, usa ka beteranong coach nga naggiya kaniadto sa University of San Carlos (USC) Warriors ug Southwestern University (SWU)-Phinma Cobras sa Cebu Schools Athletic Foundation Inc. (Cesafi) sa Dakbayan sa Sugbo.
Sa pagbalik niya sa iyang alma mater, si Reyes gitahasan pagdumala sa 19-under ug 16-under teams sa FEU ug patabangon sab siya sa seniors team nga gigiyahan ni coach Sean Chambers.
Nahimo sab nga coach si Reyes sa Cebu Classic sa Maharlika Pilipinas Basketball League (MPBL) apan nakadesisyon siyang mobiya sa MPBL ning bag-uhay lang tungod sa kasamtangang kontrobersiya nga nagĀlambigit sa Classic.
Sa iyang bahin, si Miranda nahimong assistant coach sa Abra Weavers sa MPBL. / ESL