Wala’y pagmahay si TNT Tropang 5G head coach Chot Reyes, bisan paman pakyas sila sa pagkuha sa talagsaon nga Grand Slam sa Philippine Basketball Association (PBA) Philippine Cup.
Niadtong Biyernes sa gabii, napildi ang TNT sa Beermen, 107-96, sa Game 6 nga maoy nisirado sa series ug nitapos sa ilang Grand Slam dream.
Giingon ni Reyes nga dili tanan nga team tagaan og higayon nga mosuway og full season sweep.
"I told the players hindi biro yung ginawa namin," matod pa niya. "Of course we're still very sad, but there's nothing to be ashamed of."
Nidugang pa siya nga parehas kini sa mensahe ni PLDT Chairman Manny Pangilinan nga nisulod pa sa dugout aron lig-onon ang moral sa team human sa kapildihan.
"I think our Chairman MVP said it best that 'our heads are vowed in sorrow, but not in shame,'" sulti pa ni Reyes sa gisulti ni Pangilinan sa Tropang 5G.
Human makadaog sa Governors’ ug Commissioner’s Cup, dako ang expectation nga makuha sa TNT ang Grand Slam, apan bisan napugngan kini, dakong kalampusan gihapon ang ilang season. / RSC