Nasubhan og kapildhan si Doc Rivers sa labing una niyang paggiya sa Milwaukee Bucks isip head coach batok sa host Denver Nuggets, 113-107, ning Martes, Enero 30, 2024 (PH time) sa National Basketball Association (NBA).
Si Rivers, kinsa 25 ka tuig nang nagtrabaho isip head coach sa NBA, nagkinahanglan na lang unta og usa kadaog aron matablahan niya si Larry Brown sa ikawalong puwesto sa winningest coaches sa kasaysayan sa liga.
Sa kasamtangan, nakarehistro si Rivers og 1,097 ka mga daog isip head coach sa kinatibuk-an.
Labing seguro, maapsan niya si Brown sa umaabot nga pipila ka mga adlaw.