Road Warriors makigtigi sa Batang Pier

Road Warriors makigtigi sa Batang Pier
Basketball (File Photo)

Mga duwa karon:

4:30 pm- Terrafirma batok Converage

7:30 pm- NLEX batok NorthPort

Magpinaksitay ang NLEX Road Warriors ug NorthPort Batang Pier sa main game karong Biyernes sa gabii, Marso 1, 2024, sa ikaduhang adlaw sa Philippine Basketball Association (PBA) Season 48 Philippine Cup sa Smart Araneta Coliseum.

Sa paghiabot nila ni Baser Amer ug Robert Bolick sa ilang puwersa, dili ikalimod nga usa ang Road Warriors sa teams nga angay kahadlukan ning All-Filipino conference.

Sila si Amer ug Bolick, kinsa pareho’ng naila sa opensa, makigtambayayong nila ni Sean Anthony, Anthony Semerad, Mike Miranda, Matt Nieto, Dave Marcelo ug Jake Pascual.

Sa ilang bahin, ang Batang Pier magsalig og maayo nila ni Arvin Tolentino, Joshua Munzon, Allyn Bulanadi, Jeff Chan, ug Kris Rosales.

Sa premirong duwa, magsangka ang Terrafirma Dyip ug Converge super LPG Fuel Masters sugod sa alas 4:30 sa hapon.

Sa laing bahin, nasubhan og kulbahinam nga kadaugan ang TNT Tropang Giga ug Blackwater Bossing niadtong Miyerkules, Pebrero 28, 2024, sa pagsugod sa komperensya.

Gipangbuntog sa Tropang Giga ang Rain or Shine Elasto Painters, 108-107, samtang gipangpukan sa Bossing ang Meralco Bolts, 96-93. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph