Gidugangan og agianan sa NLEX Road Warriors ang tinguha nga makasulod sa quarterfinals human gitumba ang Rain or Shine Elasto Painters, 122-110, sa Philippine Basketball Association (PBA) Commissioner's Cup, Sabado sa gabii sa Ynares Sports Center, Antipolo.
Nagdilaab ang kamot sa guard nga si Robert Bolick ug mipakatap kini og 40 puntos aron makatabla sa San Miguel Beermen sa ikawalo nga pwesto bitbit ang 5-6 (win-loss) card.
Ang Elasto Painters sa ilang habig, nahagba sa 6-5 nga baraha ug nawala ang tsansa nga makakuha kini og twice-to-beat bonus sa quarterfinals human makatilaw og upat ka sunodsunod nga pilde sulod sa lima ka duwa.
Ang import nga si Michael Watkins miabag og 25 puntos, 14 rebounds ug duha ka blocks bisan paman sa iyang early foul trouble aron maluwas ang Road Warriors.
Suwayan pagsakmit sa Road Warriors ang ikawalo nga luna sa ilang final elimination game batok Eastern Dribblers karong Miyerkules sa Smart Araneta Coliseum.
Puntos matag-usa:
NLEX 122 - Bolick 40, Watkins 25, Semerad 17, Torres 12, Alas 11, Mocon 10, Policarpio 4, Ramirez 3.
Rain or Shine 110 - Thompson 26, Clarito 20, Nocum 16, Santillan 12, Datu 10, Caracut 8, Tiongson 4, Belga 4, Ildefonso 4, Lemetti 6. / RSC