Giputol sa Meralco Bolts ang unom ka sunodsunod nga kadaugan sa NLEX Road Warriors human sa ilang solidong 108-92 nga daog sa Philippine Basketball Association (PBA) Philippine Cup sa PhilSports Arena, Pasig niadtong Dominggo sa gabii, Mayo 25, 2025.
Nagpakatap si Chris Newsome og 21 puntos samtang si CJ Cansino niamot og 20 puntos para sa Bolts kinsa nisaka ngadto sa 5-5 (win-loss) record ug nakakuha og lig-on nga posisyon alang sa Top 8.
Si Meralco coach Luigi Trillo nalipay sa performance sa iyang players nga karon aduna nay tulo ka duwa nga labaw batok sa Phoenix Super LPG Fuel Masters nga anaay record nga 2-5.
Gilauman sa Meralco nga makumpleto ang ilang three-game win streak sa ilang sunod nga duwa batok sa ilang karaang karibal nga Barangay Ginebra sa Mayo 30.
Sa pikas bahin, natapos ang perfect run sa NLEX nga karon natagak sa 6-1 ug nagpaluyo na sila sa current leader Magnolia Hotshots (7-1).
Anaa sa ikatulo ug ikaupat nga pwesto mao ang San Miguel (6-2) ug Barangay Ginebra (5-2).
Sa first game, gilubong sa Beermen ang Blackwater Elite, 115-78, bisan pa man wala sila si Juami Tiongson, Mario Lassiter, ug Jerong Teng tungod sa sore eyes.
Si CJ Perez, June Mar Fajardo, ug Don Trollano maoy nangulo sa atake sa Beermen. Nakamaneho si Perez og 20 puntos, niamot si Fajardo 17 puntos, ug 13 rebounds samtang nidunol si Trollano og 15 puntos.
Si Christian David nakamugna og 15 puntos ug si RK Ilagan adunay 14 alang sa Blackwater kinsa natagak sa 1-7 record.
Puntos matag-usa:
First Game:
SAN MIGUEL (115) - Perez 20, Fajardo 17, Calma 16, Trollano 15, Cruz 13, Ross 11, Tautuaa 9, Cahilig 8, Rosales 6.
BLACKWATER (78) - David 15, Ilagan 14, Andrade 10, Caperal 8, Mallilin 6, Tratter 5, Barefield 5, Chua 4, Mitchell 3, Guinto 2, Escoto 2, Ayonayon 2.
Second Game:
Meralco (108) - Newsome 21, Cansino 20, Quinto 18, Banchero 16, Hodge 12, Black 8, Pasaol 7, Almazan 4, Jose 2, Caram 0, Bates 0.
NLEX (92) - Bolick 22, Alas 14, Bahio 14, Mocon 12, Fajardo 11, Ramirez 6, Nieto 5, Torres 3, Amer 3, Semerad 2. / RSC