Road Warriors wala na’y alas

ANGOL: Dili na makabalik pagduwa sa tibuok Season 48 sa PBA ang pambatong pointguard sa NLEX Road Warriors nga si Kevin Alas (tunga) human nasuta nga nagsagubang kini og ACL tear. Nakatakda siyang operahan sa sunod buwan. / PBA.PH
ANGOL: Dili na makabalik pagduwa sa tibuok Season 48 sa PBA ang pambatong pointguard sa NLEX Road Warriors nga si Kevin Alas (tunga) human nasuta nga nagsagubang kini og ACL tear. Nakatakda siyang operahan sa sunod buwan. / PBA.PH

Mga duwa karon:

4:00 pm-Terrafirma batok TNT

8:00 pm- NLEX batok NorthPort

Nagkinahanglan og dakong adjustment ang NLEX Road Warriors sa ilang pagpakigbatok sa NorthPort Batang Pier sa main game ning Miyerkules, Nobiyembre 22, 2023, sa Philippine Basketball Association (PBA) Commissioner’s Cup sa Smart Araneta Coliseum.

Ning sangkaa, and Road Warriors mokombati nga wala ang ilang starting pointguard nga si Kevin Alas, kinsa sa ikatulong higayon nasuta nga adunay angol sa tuhod (ACL tear).

“May plano si God,” matod ni Alas.

Nakatakdang operahan si Alas sa sunod buwan ug gibana-banang molanat pa og usa ka tuig una kini makabalik pagduwa, nagpasabot nga nahuman na ang Season 48 alang kaniya.

Ang Road Warriors, nga adunay 1-2 nga rekord, nagkinahanglan og dobleng kayod sa ilang mga sakop hilabi na sa ilang import nga si Thomas Earl Robinson aron matapakan ang dakong haw-ang nga nabiyaan ni Alas.

Sa ilang bahin, ang Batang Pier mosalig og maayo sa ilang import nga si Venkatesha Joi.

Ang Batang Pier adunay 2-1 nga rekord.

Sa premirong duwa, magsangka ang TNT Tropang Giga ug Terrafirma Dyip sugod sa alas 4:00 sa hapon.

Ang Tropang Giga adunay 1-1 nga rekord samtang ang Dyip nagdala og 2-1 nga rekord.

Trending

No stories found.

Just in

No stories found.

Branded Content

No stories found.
logo
SunStar Publishing Inc.
www.sunstar.com.ph