Gi-trade sa Miami Heat ang ilang pambatong three-pointer nga si Duncan Robinson ngadto sa Detriot Pistons baylo ni wingman Simone Fontecchio.
Si Robinson, kinsa maoy 3-point leader sa kasaysayan sa Heat, giingong nitando sa tulo ka mga tuig nga kontrata nga nagbalor og $48 million sa iyang pagbalhin sa Pistons.
Sa iyang pagduwa sa Heat, si Robinson nakapasulod na og 1,202 ka three-pointers.
Si Robinson nagpa-draft sa National Basketball Association (NBA) niadtong 2018 apan wala’y team nga nipili kaniya.
Gikuha siya sa Summer League team sa Heat hangtod nga nahimo siyang regular player sa team. / Gikan sa wires