Hukman ang kapalaran sa Houston Rockets ug Golden State Warriors sa usa nalang ka duwa human mainat ngadto ang National Basketball Association (NBA) first-round playoff series sa Game 7.
Kini human gitumba sa No. 2 seed nga Rockets ang seventh-seeded Warriors, 115-107, sa Game 6 didto sa San Francisco, California para matabla ang series, 3-3, kagahapon, Mayo 3 (PH time).
Si Fred VanVleet mipakatap og 29 puntos, walo ka assists ug walo ka rebounds, samtang si Alperen Sengun mitunol og 21 puntos ug 14 rebounds sa Rockets.
Nakuha pagbalik sa Rockets ang home court advantage para sa Game 7 sa Texas karong Lunes (PH time) para sa luna sa second round, diin gahuwat na ang Minnesota Timberwolves.
Namugnaw ang kamot sa Warriors sa ilang kaugalingon nga korte sa Chase Center, nasipyat sila og 13 ka sunodsunod nga itsa.
Ang Warriors galabaw og 3-1 sa series sa wa pa kuhaa sa Rockets ang uwahing duha ka duwa para matabla ang best-of-seven series.
Malaumon gihapon si Jimmy Butler nga makalabok sila bisan pa sa korte sa Rockets.
“We’ll be fine, we’ve just got to continue to make the right play, time after time after time,” ni Butler. “... We’ve got to stop focusing so much on them and focus on us. If we do that then we're going to be fine.”
Samtang si Stephen Curry nagkanayon nga di gyud sila kadaog kon sige sila og sipyat sa mga itsa.
“You have to make shots at the end of the day,” saysay ni Curry, “Winning is hard and sustaining it is hard. ... If you want to win at the highest level you have to embrace the hard.”
Ang sharpshooter nga si Curry mibuhat og 29 puntos pero igo lang kini nakahimo og 9-of-23 sa field ug 6-for-16 sa tres. Si Butler mitunol og 27 puntos, siyam ka rebounds ug walo ka assists sa Warriors. / RSC