Gawas sa iyang makapaukyab nga estilo sa duwa, ang pambatong pointguard sa San Miguel Beermen nga si Terrence Romeo usa sab sa mga magduduwa sa Philippine Basketball Association (PBA) nga makakuha og atensyon kon hisgutan ang fashion.
Si Romeo naila nga adunay taas nga buhok sulod sa taas nga panahon apan pipila ka mga buwan ang nakalabay, iyaha kining giputlan nga nakasurpresa sa netizens.
Tungod niini, adunay mga nag-ingon nga kamay-ong niya ang sikat nga batan-ong aktor nga si Daniel Padilla.
Alang alang Romeo, 31, usa ka dakong garbo alang kaniya nga makumpara siya ni Padilla.
“Honestly, sobrang thankful ako kasi guwapings talaga ‘yun. Artista ‘yun eh,” matod ni Romeo nga napatik sa Spin.ph.
Giangkon ni Romeo nga bisan siya, nakabantay nga kamay-on niya’g gamay si Padilla human siya nagpaputol og buhok.
“Agree naman ako, nahahawig tayo kahit konti, siguro mga 20% nga, meron naman,” dugang ni Romeo.
Aduna kahay posibilidad nga mag-artista sab si Romeo?
“Pwede, pero focused muna tayo sa basketball, lalo’t inaalagaan ko ang health ko ngayon,” tubag ni Romeo.