Gibaraw ni Rolando “Rolly” Romero ang pagbalik ni Ryan Garcia sa ring ug gisugat ang nauwahi og pildi didto sa New York, Estados Unidos, Mayo 3 (PH Time).
Midaog si Romero pinaagi sa unanimous decision ug gipakuratan ang kalibutan sa iyang pagpildi kang Garcia, kinsa mibalik human ang usa ka tuig nga suspensiyon tungod sa pagpositibo sa performance-enhancing drugs.
Apan nakurat si Garcia nga di na sold-out ang iyang away.
“I wasn’t a fan of that at all. It felt like a sparring match,” ni Garcia. “You could hear everybody and it just didn’t feel authentic to me, but no excuses.”
Si Garcia giplano unta nga mokontra kay Devin Haney, apan sa iyang pagkapildi murag si Romero na ang mokuha sa iyang pwesto.
Pero matod ni Romero nga mas dako nga away kon si Garcia ug Haney. / RSC