Nanghinaot ang beteranong pointguard nga si Chris Ross nga makapirma siya og bag-ong kontrata inig expire sa iyang kasamtangang kontrata sa San Miguel Beermen inig human sa buwan sa Agusto, 2025.
Hinuon, basi sa gipakitang duwa ni Ross sa bag-uhay lang nahuman nga Philippine Basketball Association (PBA) Season 49 Philippine Cup, gilauman nga mahitabo ang iyang panghinaot.
Gipasalig ni Ross nga taliwala sa iyang pangidaron nga 40, aduna pa siya’y saktong ikabuga.
Sa niaging Philippine Cup finals diin nidaog ang Beermen batok sa TNT Tropang 5G, si Ross nag-average og 8.5 puntos ug 5.3 rebounds. / ESL