Mga duwa karon:
Battle for third
5:15 P.M Cebu Eastern College batok CIT-U (High School)
Finals Game 1
6:45 P.M Sacred Heart School-AdC batok UC-Main (High School)
Magtagbo ang Sacred Heart School-Ateneo de Cebu (SHS-AdC) Magis Eagles ug University of Cebu (UC)-Main Junior Webmasters sa best-of-three championship sa Cebu Schools Athletic Foundation Inc. (Cesafi) Season 25 high school championship.
Ang defending champion Magis Eagles ug Junior Webmasters magharong sa Game 1 karong 6:45 sa gabii, Disyembre 10, 2025, sa Cebu Coliseum, human sa battle of third sa Cebu Eastern College (CEC) Dragons ug Cebu Institute of Technology-University (CIT-U) Junior Wildcats.
Tumong sa SHS-AdC ang ilang ikalima nga sunodsunod nga titulo, samtang ang UC naglantaw nga mokampiyon pagbalik ug masundan ang ilang uwahing titulo niadtong 2019.
Nasulod sa finals ang SHS-AdC human gipilde ang CIT-U sa ilang semis match, samtang ang UC-Main gitumba ang CEC sa pikas tapad nga semis.
Niining pagsuwat, nagtigi pa ang defending champion University of the Visayas (UV) Green Lancers ug UC Webmasters sa Game 1 sa collegiate championship. / RSC